З непагаддзю ў Мінску з'явілася Лэдзі дасканаласць. Прэм'еру спектакля "Мэры Попінс" Музычны тэатр правёў у апошнія тыдні перад завяршэннем 46-га тэатральнага сезона.
Выпуск летняй пастаноўкі сабраў аншлаг, на якім пабывала і Вольга Мядзведзь. У адной грымёрцы і народная артыстка Гайда, і студэнты Акадэміі мастацтваў. У прэм'еры задзейнічалі максімум сіл, ад чаго спектакль атрымаўся адным з самых масавых. Не паскупіліся і на касцюмы. Больш за 50 эскізаў, на рэалізацыю кожнага ад 2 да 8 метраў тканіны.
Шоу-мюзікл. Такі жанр вызначаны нездарма. Элементы забаўнага шоу і ў акцёрскай гульне, і ў чароўных труках, і ў рухах. Дарэчы, усе танцавальныя па - справа рук запрошанага харэографа. Паводле яго задумкі і капелюшы танчаць, і смыкі лётаюць.
"33 коровы", "Ветер перемен", "Полгода плохая погода". Усяго ў савецкім фільме "Мэры Попінс, да пабачэння!" каля 8 песень. Аднак кампазітарам Максімам Дунаеўскім было напісана ўдвая больш твораў, якія не ўвайшлі ў экранізацыю. Яшчэ 12 раней не вядомых кампазіцый загучаць у беларускай пастаноўцы.
Лэдзі дасканаласць, гувернантка-чараўніца з маленькім заробкам. У прэм'еры Мэры Попінс на парасоне не вылятае. Іншапланецянка, якая размаўляе са статуямі і жывёлінамі, змяняе жыццё сям'і Бенкс, дзе дзеці засталіся без належнай увагі бацькоў.
Усе героі пад адным вялікім парасонам - своеасаблівым сімвалам гэтага спектакля. Прэм'еру паставілі не паводле кнігі Памэлы Трэверс і не паводле савецкай экранізацыі, а паводле іх сукупнасці. Трэцім звяном стала лібрэта Вячаслава Вербіна. А літаратурна-сцэнічная рэдакцыя ўсіх трох твораў, сабраных разам, належыць рэжысёру Кавальчыку.
