Гэтым вечарам рэпертуар Нацыянальнага акадэмічнага драматычнага тэатра, які сёлета адзначыць 85-ы сезон, папоўніла амерыканская камедыя. Увасобіў сучасную драматургію зорны склад трупы.
На генеральнай рэпетыцыі спектакля "Палкія матулі" пабывала Вольга Мядзведзь.
На сцэне Рускага тэатра амерыканская кватэра. Рэпертуарная навінка раскрывае заўсёды актуальную тэму ўзаемаадносін дзяцей і бацькоў. На адной жылплошчы, якую адбудавалі на падмостках Горкаўскага, апынаецца сямейная пара і іх палкія матулі, ролі якіх выконваюць прымы Клебановіч і Масумян.
Прэм'ера 85-га сезона - падарунак-прысвячэнне Бэле Масумян. Артыстка толькі адзначыла юбілейны дзень нараджэння. Прыме 80! І ў сённяшнім рэпертуары ў яе дзясятак гераінь. Больш чым за паўвекавую гісторыю ў тэатры сцэне Горкаўскага Бэла Амаўна не здраджвала, увасобіла каля сотні персанажаў.
На постсавецкай прасторы сучасны амерыканскі драматург Дэвід Крыстнер практычна невядомы, тэатральнае ўвасабленне яго твораў у асноўным адбываецца ў ЗША. П'есу Red Hot Mamas, напісаную ў канцы дзевяностых, у нас паставілі ўпершыню. Спектакль ад мастацкага кіраўніка Горкаўскага Сяргея Кавальчыка. На рэпетыцыйны працэс адвялі максімальна сціснутыя тэрміны - літаральна месяц.
На сцэне мінімум дэкарацый. Чорны заднік з перацягнутымі белымі ніткамі, некалькі свяцільняў, крэслаў і цэнтральны элемент - мабільная канструкцыя, якая мяняе прызначэнне ў залежнасці ад сцэн. У адной карціне - барная стойка, у другой - сцяна, абклееная шпалерамі. У камедыі акцэнт зроблены на святле. У адным і тым жа дзеянні па некалькі зацямненняў.
