Прадстаўніка Беларусі на "Еўрабачанні-2020" выберам у пятніцу

Сёння адбылася першая рэпетыцыя фіналу нацыянальнага адбору на "Еўрабачанне-2020". Упершыню ў гісторыі праекта - трансляцыя выніковага гала-канцэрта будзе весціся з "Беларусьфільма". Сцэна ўсталяваная ў самым вялікім здымачным павільёне кінастудыі з карыснай плошчай  1000 квадратных метраў. На першай рэпетыцыі артысты паднімаліся на пляцоўку ў тым парадку, у якім яны з'явяцца ў нацыянальным эфіры. У кожнага кандыдата было роўна 40 хвілін на тое, каб разам з камандай Белтэлерадыёкампаніі наладзіць святло, гук і відэакантэнт. Таксама ўвечар адбылася рэпетыцыя вядучых - Хелены Мерааі і Яўгена Перліна. У гэтыя хвіліны ў павільёне праходзіць устаноўка камер. 

Рэпетыцыі выніковага гала-канцэрта пройдуць і заўтра. Фінал нацыянальнага адбору адбудзецца 28 лютага, у 22 гадзіны. Прамую трансляцыю шоу будуць весці тэлеканалы "Беларусь 1" і "Беларусь 24". Нагадаем, пераможца праекта прадставіць нашу краіну на "Еўрабачанні-2020" у маі ў Ратэрдаме.