Нацыянальны мастацкі музей Беларусі ўпрыгожыў вуліцу Леніна творамі нашых вядомых мастакоў. Зараз шлях ад метро "Кастрычніцкая" да сховішча мастацтва ўпрыгожваюць рэпрадукцыі твораў Леаніда Шчамялёва, Паўла Гаўрыленкі, Гаўрыіла Вашчанкі і іншых вядомых аўтараў. Усе работы прысвечаныя Мінску. Праект прымеркаваны да значнай даты - сёлета беларускай сталіцы споўніцца 950 гадоў.
Арыгіналы выстаўленых на вуліцы карцін можна будзе ўбачыць 9 верасня, калі і адбудуцца галоўныя ўрачыстасці з нагоды дня нараджэння Мінска. Нацыянальны мастацкі музей прэзентуе 150 карцін беларускіх мастакоў, прысвечаных беларускай сталіцы.