З нагоды адкрыцця "Славянскага базару" афіцыйныя асобы шматлікіх краін накіравалі прывітанні на адрас Прэзідэнта Беларусі, гасцей і ўдзельнікаў фестывалю

11 Ліпеня 2019

З нагоды адкрыцця міжнароднага форуму "Славянскі базар" прывітанні на адрас Прэзідэнта Беларусі, гасцей і ўдзельнікаў фестывалю накіравалі афіцыйныя асобы шматлікіх краін. У прыватнасці, прэзідэнт Малдовы. Ігар Дадон адзначыў: "Усё больш удзельнікаў і гасцей падтрымліваюць аб'яднаўчы дружалюбны дух гэтага паспяховага міжнароднага праекта. Хачу выказаць удзячнасць арганізатарам свята мастацтваў і Прэзідэнту Рэспублікі Беларусь Аляксандру Лукашэнку за высокі ўзор беражлівага стаўлення да традыцыі, захаванню культурнай пераемнасці".

Таксама вітальны адрас паступіў ад прэм'ер-міністра Арменіі Нікола Пашыняна. Ён падкрэслівае, што: "Форум мае асаблівае значэнне для ўсіх нас, аб чым сведчыць яго дэвіз: "Праз мастацтва - да міру і паразуменню". Ён закліканы садзейнічаць паразуменню і ўмацаванню міру паміж народамі праз дыялог і ўзаемаабагачэнне культур".

Акрамя таго, прывітанні на адрас удзельнікаў "Славянскага базару ў Віцебску" накіравалі лідары Польшчы, Аргенціны, Узбекістана і іншых краін.


Папулярныя

Рэкамендуемыя