Упрыгожыць восеньскі халодны вечар у Мінску зорка мюзікла Notre-Dame de Paris. Спявак Гару некалькі гадзін таму прыбыў у нацыянальны аэрапорт. Ужо заўтра вядомы выканаўца нашумелай партыі Квазімода дасць сольны канцэрт у Палацы Рэспублікі. Новая праграма Fly Me To The Moon - гэта мікс блюзавых, эстрадных і джазавых кампазіцый. Не абыдзецца і без сапраўдных хітоў на французскай мове. Дарэчы, гэта не першы візіт Гару ў нашу краіну.
Гару, спявак: "Штораз мне вельмі прыемна вяртацца ў ваш горад, але звычайна мне заўсёды шанцавала ў вас - свяціла сонца, але сёння сонца няма. Я проста ўпэўнены, што яно ў нас заўтра абавязкова заззяе на канцэрце. Я прыязджаю сюды дзеля гледачоў, дзеля гэтага інтэрактыву, які адбываецца ў зале. Гэта самае галоўнае".
Заўтра выканаўца і яго творчая каманда правядуць першы саўндчэк. А літаральна за гадзіну да канцэрта, а ён запланаваны на 19:00, адбудзецца сустрэча фанатаў з артыстам.
