Першыя пазыўныя грандыёзнага музычнага фестывалю "Славянскі базар" ужо заўтра прагучаць у Віцебску. Госці музычнага свята прыбываюць. Вуліцы горада ажывіліся. Цэнтр запоўнілі кірмашы і гандлёвыя палаткі. Усяго ж на юбілейны фестываль прыедуць прадстаўнікі з 44 краін свету. Праграма - як ніколі насычаная. Аб славянскім свяце - Вольга Маслоўская.
Да афіцыйнага адкрыцця 25 юбілейнага "Славянскага базара" - некалькі дзён. Але Віцебск ужо жыве фестывальным жыццём. Паўночная сталіца прымае першых гасцей і ўдзельнікаў міжнароднага форуму мастацтваў. Акрэдытацыі атрымалі сотні чалавек.
Вольга Сакалова, кіраўнік службы акрэдытацыі: "Служба ўжо працуе другі дзень, мы пераходзім на кругласутачны графік працы. Усе ў нас аднолькава праходзяць акрэдытацыю".
Зорных гасцей святочны Віцебск сустрэне ўжо гэтай ноччу. А заўтра на галоўнай сцэне фестывалю - у Летнім амфітэатры - пройдзе першы сольны канцэрт. Перад шматтысячнай публікай свае самыя лепшыя песні выканае Сяргей Лазараў.
Летні амфітэатр гатовы да грандыёзных шоу-праграмам. Тут выступяць самыя яркія зоркі эстрады. Аформленая галоўная сцэнічная пляцоўка па апошніх тэндэнцыях. Цікавы эфект створаць арыгінальныя дэкарацыі, люстэркі і святлодыёдныя экраны. Напрыклад, падчас урачыстага адкрыцця, гледачам пакажуць відэаролікі і фатаграфіі, на якіх адлюстраваная ўся гісторыя фестывалю.
За бяспеку гасцей свята адказваюць медыкі, міліцыя і ратавальнікі. Усе яны будуць працаваць у рэжыме павышанай гатоўнасці. Гарачая пара для іх наступіла задоўга да першых акордаў "Славянскага базара".
Марына Фандо, прэс-сакратар Віцебскага абласнога ўпраўлення МНС Беларусі: "На ўсіх аб'ектах будзе праходзіць дзяжурства больш як 130 чалавек і 28 адзінак спецыяльнай тэхнікі. Будзе арганізавана дзяжурства пешых патрулёў працаўнікоў МНС, укамплектаваных першаснымі сродкамі пажаратушэння".
Фестываль разгорнецца па ўсім горадзе. У праграме форуму мастацтваў - 130 мерапрыемстваў для гледачоў усіх узростаў. У ліку першых па ўсім свеце разляцеліся білеты на канцэрты адкрыцця і закрыцця "Славянскага базара", а таксама на тэатральныя праекты. Дарэчы, толькі заўтра ў канцэртных касах білеты на ўсе фестывальныя праграмы будуць каштаваць на 25 працэнтаў танней.
Аляксандр Сідарэнка, дырэктар міжнароднага фестывалю мастацтваў "Славянскі базар у Віцебску": "Не так шмат месцаў засталося. Скідка будзе толькі на працягу аднаго дня. І толькі на тыя месцы, якія знаходзяцца ў свабодным продажы. Гэта не распаўсюджваецца на бронь".
Фестываль фестываляў. Ён даўно выйшаў за межы славянскага свету. Сёлета свята збярэ гасцей з 44 дзяржаў. І гэта пакуль толькі першы рэкорд 25, юбілейнага, форуму мастацтваў.
