Першую ў Беларусі скульптуру настаўніку некалькі гадзін таму адкрылі ў Мінску ля сцен галоўнай педагагічнай ВНУ краіны. Кампазіцыя называецца Настаўніца першая мая і ўяўляе сабой класную дошку, ля якой стаіць жанчына з букваром у руках. Адкрыццё скульптуры прымеркавалі да міжнароднага з'езда работнікаў адукацыі, які працягваецца ў Мінску, 100-годдзя ўніверсітэта і да маючага адбыцца Дня настаўніка. Ідэя кампазіцыі належыць рэктару педагагічнай ВНУ.
Аляксандр Жук, рэктар Беларускага дзяржаўнага педагагічнага ўніверсітэта, доктар педагагічных навук, прафесар: Першая настаўніца - гэта, напэўна, самае галоўнае, бо адтуль пачынаецца шлях у шырокую краіну ведаў, жыццёвае станаўленне любога чалавека, таму вось узнікла такая ідэя.
Ад эскіза на паперы да з'яўлення скульптуры ў поўную велічыню прайшло ўсяго некалькі месяцаў. Натхніцелям прыходзілася працаваць цэлымі суткамі. А вось імя настаўніцы, якая стала прататыпам помніка, аўтары так і не раскрылі.
