Парк Чалюскінцаў - выставачная пляцоўка пад адкрытым небам

Рэпрадукцыі артэфактаў з фондаў Нацыянальнага гістарычнага музея размесцяць на 70 пралётах парку Чалюскінцаў. Выстава пад адкрытым небам адкрыецца сёння апоўдні. Сфрагістыка, нумізматыка, геральдыка і нацыянальны касцюм. Шырокафарматныя банеры пазнаёмяць з рознапланавай калекцыяй Гістарычнага музея, а больш дакладна, пяці яго філіялаў. На планшэтах - больш як дзве сотні кадраў з выявамі каштоўных экспанатаў. Аўтары здымкаў - Алег Лукашэвіч і Аляксандр Аляксееў. Кожны банер дапаўняе апісанне на трох мовах. Рэпрадукцыі можна будзе ўбачыць на працягу года.