Да старту рэпетыцый на сцэне "Еўрабачання" застаецца роўна два тыдні. Арганізатары шоу ва Украіне распавялі пра тэхнічную гатовасць. Каманда Еўрапейскага Вяшчальнага Саюза ўжо завяршае абсталяванне Міжнароднага выставачнага цэнтра ў Кіеве. Вышыня сцэны - 40 метраў, шырыня - каля 70. На пляцоўцы ўсталявалі амаль 2 000 светлавых прыбораў, больш за тысячу квадратных метраў святлодыёдных экранаў, уключаючы вялікую відэасцяну ззаду, і вялізную лічбавую падлогу. Тэхнічны дырэктар заявіў аб сусветнай прэм'еры новай светлавой сістэмы. А галоўнай адметнасцю на сцэне стане своеасаблівая жырандоля, якая складаецца з сямі пластоў светлавых прыбораў.
Трансляваць "Еўрабачанне" з 9 па 13 мая будуць тэлеканалы "Беларусь 1" і "Беларусь 24", а таксама на сайце tvr.by.