Вызначылі лепшы сувенір - сімвал свята Купалле. Александрыя збірае сяброў

29 апреля 2013

Папараць-кветка знойдзеная. Прычым, зусім не біёлагамі, метафізікамі або рамантычнымі маладымі людзьмі ў пошуках шчасця цёмнай ліпеньскай ноччу… Беларускімі культуролагамі, мастацтвазнаўцамі і чыноўнікамі. Экспедыцыю па культурны брэнд падрыхтавалі функцыянеры Беларускай гандлёва-прамысловай палаты.


Аб  матэрыялізацыі паэтызаванага брэнда - Яўген Пуставой.

Папараць-кветка ўжо знойдзеная. Знаходзіцца ў Беларускай гандлёва-прамысловай палаце. З 34 адзінак міфічнага сімвала шчасця менавіта гэты пойдзе ў прамысловую вытворчасць. Гэта і будзе брэндам галоўнага летняга свята, а з 2010 года  не толькі народнага календара беларусаў.

Брэнд для міжнароднай урачыстасці Купалле. Александрыя збірае сяброў згуртаваў беларускіх умельцаў у аднайменным конкурсе. Практычнасці ад паэтызаваных сувеніраў чакае і арганізатар пошуку купальскіх брэндаў. У гісторыі Беларускай гандлёва-прамысловай палаты ўпершыню такі конкурс. Цэннік гэтага сувеніра бюджэтны - 100 тысяч рублёў. У дзесяць разоў большы за самы танны. І амаль у столькі ж меншы за самы дарагі. Апавяшчаючы вынікі конкурсу, высокі чыноўнік ад культуры    вытрымаў творчую пазіцыю. Пажартаваў: маўляў, усе сёння знайшлі сваю папараць-кветку.

Са 136 прац сувеніры ад практычных да сімвалічных. Ад аўтэнтычных да хай-тэк. Самы доўгі дзень года некаторыя вырашылі  нават  заканекціць  з чахлом для гаджэтаў. Але ў цэлым формы адпавядалі ідэалогіі зместу. Сонца на зубры. Родныя матывы ў гліне. Амаль кожны трэці сувенір у саломе.  Матэрыялы нават з пахам Беларусі.