Эксперты ў Маскве вызначылі трох кандыдатаў на прэміі Саюзнай дзяржавы ў галіне літаратуры і мастацтва за 2017-2018 гады. Іх імёны пакуль не выдаюцца і стануць вядомыя толькі пасля таго, як іх зацвердзіць Вышэйшы дзяржсавет Саюзнай дзяржавы. Ад Беларусі на прэмію вылучаліся пісьменнік Мікалай Чаргінец, журналіст, галоўны рэдактар газеты "СБ. Беларусь сёння" Павел Якубовіч, галоўны дырыжор Дзяржаўнага акадэмічнага сімфанічнага аркестра Беларусі Аляксандр Анісімаў, а таксама аўтарскі калектыў анімацыйнага цыкла "Казкі старога піяніна".
Тры прэміі Саюзнай дзяржавы ў галіне літаратуры і мастацтва ўручаюцца раз на два гады. Памер адной прэміі складае 5 мільёнаў расійскіх рублёў.
