Уладальнікі лепшага класічнага вакалу, Лаўрэаты Дзяржпрэміі Беларусі выйшлі на сцэну Вялікага тэатра разам. Станіслаў Трыфанаў, Сяргей Франкоўскі, Ніна Шарубіна, Аксана Волкава і Анастасія Масквіна. Адкрылі першы гала-канцэрт лаўрэатаў фанфарамі з оперы "Францыск Скарына" і фрагментамі з оперы "Сівая легенда". Абодва творы нашага суайчынніка Дзмітрыя Смольскага, які таксама быў уладальнікам Дзяржпрэміі.
У канцэрце прыняў удзел хор Вялікага тэатра пад кіраўніцтвам народнай артысткі Ніны Ламановіч. За дырыжорскім пультам стаяў маэстра Аляксандр Анісімаў.
