22 ноября 2019
Новае гучанне здабыла і наша Акадэмія музыкі. У навучальнай установе - статуснае інструментальнае абнаўленне як стымул адораным студэнтам браць высокія месцы на міжнародных пляцоўках. Баланс легендарнай кансерваторыі папоўніўся літаўрамі, акардэонам, кантрабасам. На першых акустычных рэпетыцыях пабывала наша здымачная група. Аб новых магчымасцях сюжэт Лідзіі Заблоцкай.
Акадэмія музыкі набыла літаўры з Галандыі за 50 тысяч долараў
Такія літаўры да гэтага чулі толькі ў Вялікім тэатры. Зараз якасныя адзіночныя ўдары і трэмала і ў Вялікай зале Акадэміі музыкі. Чатыры "чашы" галандскай вытворчасці. З канцэртнага камплекта коштам у 50 тысяч долараў літаральна здзімаюць пушынкі.
Літаўры зараз доўга будуць адным з галоўных экспанатаў прама на сцэне. Ударныя нікуды нельга вывозіць. Як і, дарэчы, "караля музіцыравання". Раяль Steanway тут пад асобай аховай і з клімат-кантролем. На канцэртах ён, вядома, выходзіць з-за куліс.
Літаральна перад нашым прыездам да свайго першага занятку падрыхтавалі вось гэты майстравы кантрабас. Інструмент прывезлі тыдзень таму з Германіі. А сёння раніцай усталявалі струны. Дарэчы, кошт новага тэмбру Акадэміі музыкі дасягае 10 тысяч долараў.
Інструментальны парк абнаўляюць для канцэртаў і ўдзелу ў міжнародных конкурсах
Майстравы - значыць, сабраны асабіста майстрам, а не фабрычным канвеерам. Таму і задавальненне не з танных. Пакуль інструмент трэба "разагрэць": мінімум тыдзень на ім будуць рэпеціраваць і наладжваць. Спытаеце, навошта закупляюць? У першую чаргу - для якаснага гучання на канцэртах і ўдзелу студэнтаў у міжнародных конкурсах. Такое патрабаванне сёння.
Акардэон з Кастэльфідарда - у інструментальным парку Акадэміі музыкі
Вось яшчэ адна навінка для акадэміі - акардэон наўпрост з італьянскай Кастэльфідарда. У адрозненне ад сваіх калегаў інструмент размаўляе шасцігалосым басам і маштабным дыяпазонам. Для прафесійнага музыканта гэта 40% поспеху на спаборніцтве.
Зараз на балансе Акадэміі музыкі 650 інструментаў
Усяго на балансе Акадэміі музыкі 650 інструментаў. Шматлікія з іх - 70-х-80-х гадоў вытворчасці. Вышэйшай школе - і гэта заканамерна - патрэбнае статуснае абнаўленне, каб гучаць лепш. Для адточвання тэорый аднавілі вытворчасць легенды - фартэпіяна "Беларусь". Высакакласныя клавішныя паступілі нават у інтэрнат кансерваторыі.
У снежні даставяць саксафоны з Германіі, а таксама цымбалы і балалайкі беларускай вытворчасці
А для заваявання сцэны закупляюць знакамітых "замежнікаў". Так, ужо ў снежні з Германіі даставяць саксафоны. Дарэчы, калекцыя новых раяляў па ўказе беларускага лідара папоўніцца ў першым паўгоддзі 2020-га.
