На фестываль у Мінск прывязуць 19 пастановак з 8 краін. Традыцыйна форум складаецца з трох секцый: міжнароднай праграмы, беларускай з пастаноўкамі нацыянальных тэатраў, а таксама "Школы ТЭАРТа".
Ганна Самарская, выкладчык, каардынатар "Школы ТЭАРТа": "Ужо ў нас ёсць вялікая колькасць людзей, якія хочуць удзельнічаць у гэтай праграме. Сёння мы працуем на больш вялікай пляцоўцы, гэта значыць, у нас ёсць 100 пасадачных месцаў, і мы можам прыняць большую колькасць гледачоў. Будуць мерапрыемствы, якія арыентаваныя на шырокую аўдыторыю, і там мы будзем гаварыць пра самыя шырокія паняцці тэатра, а з іншага боку ў нас будзе шэраг мерапрыемстваў, прысвечаных менавіта прафесіяналізацыі тэатральнай супольнасці. Гэта майстар-класы ад ключавых рэжысёраў з Расіі, з Італіі".
Напярэдадні афіцыйнага старту заўтра ў кінатэатры "Масква" пакажуць фільм "Паліна. Станцаваць сваё жыццё". Драма пра рускую балярыну ад французскага харэографа Анжэлена Прэльжакажа. Адкрыецца фестываль на наступны дзень камедыяй Гогаля "Жаніцьба". Спектакль у жанры wordless - гэта значыць, без слоў - ад Ліепайскага тэатра Латвіі.
