Нацыянальны мастацкі музей прэзентуе праваслаўную экспазіцыю

17 Верасня 2013

Найкаштоўнейшую іканаграфію краін Усходняй Еўропы з сённяшняга дня можна будзе ўбачыць у галоўным музеі краіны. Нацыянальны мастацкі музей прэзентуе праваслаўную экспазіцыю, прысвечаную вобразу Ісуса Хрыста і прымеркаваную да 1025-годдзя Хрышчэння Русі.


Расказвае Наталля Бардзілоўская: Вобраз Хрыста ў іканаграфіі, мабыць, ніколі не быў так шырока паказаны на Беларусі. Чатыры асноўныя дзяржавы праваслаўнага рэгіёну: Беларусь, Расія, Украіна і Сербія прэзентуюць дзевяць музеяў і каля 200 выяў, па якіх, быццам па Бібліі, толькі ў жывапісе, можна чытаць жыццё Сына Божага - ад яго Раства да Ушэсця!


Сапраўдны праваслаўны сабор - у чатырох залах Нацыянальнага мастацкага музея Беларусі. Гэтыя іконы адзіныя галоўным хрысціянскім вобразам, але кожная іканапісная школа перадае лік Хрыста па-свойму, у кожнай свой нацыянальны каларыт. Самая старажытная з праваслаўных ікон - руская, 15-га стагоддзя. Прадстаўлена Дзяржаўнай Трэццякоўскай галерэяй і прыватным музеем Рускай іконы ў Маскве.


Кіеўскія іконы 16-ага стагоддзя. І ўпершыню на выставе прадстаўлены Балканскі рэгіён. Беларуская ікона - гэта 17-ае стагоддзе. Музей старажытнабеларускай культуры пры Акадэміі навук, Полацкі і Гродзенскі музеі прадставілі ўзоры іканаграфіі. Плюс сёння ўпершыню выстаўляецца царкоўна-гістарычны музей пры Беларускай епархіі. Экспануе ў тым ліку асабістыя рэчы ўладара Філарэта - сёлета спаўняецца 35 гадоў архіпастырскаму служэнню Патрыяршага Экзарха ўсяе Беларусі.


Выстава мастацкіх шэдэўраў і духоўных помнікаў, намоленых стагоддзямі, будзе да пятага снежня прымаць сваіх гледачоў. Дарэчы, у музеі здолелі стварыць храмавую атмасферу.