Сапраўднае свята керамікі ў сталічным Палацы мастацтва. Праект "Арт-Жыжаль" адзначае 15-годдзе. Спалучэнне жывога агню і гліны, удасканальванне мастацтва керамікі і новых тэхнік. Сёлета прадэманстравана больш за 300 работ і кампазіцый. Усё гэта вынік працы ўдзельнікаў праекта розных гадоў. Заснавальнік пленэраў, якія штогод праходзяць пад Бабруйскам, мастак-кераміст Валерый Калтыгін.
У пленэрах прымаюць удзел не толькі майстры-керамісты з усёй Беларусі, але і з 23 краін свету. Сярод іх - Азербайджан, Венесуэла, Балгарыя, Вялікабрытанія, Індыя, Японія, ЗША, Францыя і Турцыя. Сёння лепшыя работы дэманструюцца на выставе.
