Сёння ў 10 гадзін па мінскім часе пачнецца генеральная рэпетыцыя другога паўфіналу. Гэта шоу тэлекампаніі-ўдзельніцы запісваюць для рэзервовай трансляцыі. У другім канцэрце конкурсу прымуць удзел 17 краін і толькі 10 трапяць у гранд-фінал. Журналісты абяцаюць яркі паказ высокага ўзроўню. Поўны спіс удзельнікаў суботняга шоу даведаемся бліжэй да паўночы. Палова іх стала вядомая напярэдадні позна вечарам - па выніках першага паўфіналу.
Як гэта было - раскажа Юрый Ярошык.
Учора адбыўся першы паўфінал 60 конкурсу песні "Еўрабачанне" ў Вене. Шоу адкрыла трыумфатар мінулага года Канчыта Вурст, а прадстаўнікі краін-удзельніц выйшлі на сцэну прама з грын-рума.
Гледачы пачалі збірацца ў залы Віена Штадахале яшчэ за паўгадзіны да шоу. Прапускная сістэма працавала адладжана, таму затораў не ўзнікла. На ўваходзе фанаты спявалі конкурсныя песні і жадалі поспеху канкурсантам.
Перад выхадам на сцэну фаніятар праверыў стан звязак беларускіх удзельнікаў, а педагог па вакале Алекс Панайі правёў апошнюю рэпетыцыю.
Беларусь выступала ў першым паўфінале пад 11 нумарам. Разам з мільёнамі беларусаў за Юзары і Маймуну хварэў увесь прэс-цэнтр.
Пасля заканчэння галасавання вядучыя шоу абвясцілі дзясятку пераможцаў.
У фінале конкурсу выступяць Албанія, Арменія, Бельгія, Венгрыя, Грузія, Грэцыя, Румынія, Эстонія, Сербія і Расія.
Пасля заканчэння трансляцыі беларускія ўдзельнікі адправіліся ў грымёрку.
Прадстаўніца Расіі Паліна Гагарына выйшла падтрымаць Юзары, а яе бэк-вакалісты праспявалі песню беларускага канкурсанта "Тайм".
Заўтра адбудзецца другі паўфінал "Еўрабачання". Пераможцу песеннага форуму Еўропа даведаецца ўжо ў суботу, 23 мая.
