Першы музычны радыёмост з Украінай будзе транслявацца сёння ў эфіры Беларускага радыё. Адна з тэм - этнамузыка ў сучасным свеце. Спецыяльна на радыёмост у мінскую студыю былі запрошаныя вядомы аўтар і выканаўца, аранжыроўшчык, саліст нацыянальнага аркестра Юрый Вашчук, а таксама музыканты-мультыінструменталісты Андрэй Сцяпанаў і Андрэй Анціпенка. Для ўкраінскіх калег і радыёслухачоў яны прадэманстравалі гучанне драўлянай трубы і дуды - народных беларускіх інструментаў.
Тэматычныя міждзяржаўныя радыёмасты на Беларускім радыё ўжо традыцыя. Чакаецца, што ў найбліжэйшы час такім чынам Мінск звяжацца з Казахстанам. Тэма дыскусій - эканамічная.