На сцэне Беларускай дзяржаўнай філармоніі адбылася прэм'ера, прымеркаваная да 235-годдзя з дня нараджэння Ніколы Паганіні. Упершыню яго 24 капрысы гучалі ў сучаснай рэдакцыі літоўскага кампазітара Кіпрэвічуса. Новая версія твораў Паганіні была напісана спецыяльна для экспрэсіўнага скрыпача, лаўрэата міжнародных конкурсаў Графа Муржы з Расіі. Такім чынам творы Паганіні набылі новае сучаснае жыццё і гучанне пры дапамозе Дзяржаўнага камернага аркестра Беларусі пад кіраўніцтвам заслужанага артыста Расіі Яўгена Бушкова.
Гэта быў першы з трох канцэртаў музычнага абанемента Белдзяржфілармоніі. Другі, дзе будзе гучаць Бетховен, адбудзецца 8 лютага, а трэці - з удзелам англійскага дырыжора Роберта Эймса - можна паслухаць у красавіку.
