Некалькі хвілін таму на "Славянскім базары" завяршыўся другі конкурсны дзень дзіцячага вакальнага спаборніцтва.
Наш Арцём Скароль выйшаў на сцэну пад 13-м нумарам. Усяго ў конкурсе прымаюць удзел прадстаўнікі 20 краін. Імёны пераможцаў трымаюцца ў таямніцы. Інтрыга вырашыцца ўжо заўтра на цырымоніі ўзнагароджання. Падчас гала-канцэрта разам з юнымі канкурсантамі выступяць і вядомыя артысты.
"Славянскі базар" багаты на вернісажы, творчыя сустрэчы, тэатральныя прэм'еры.У гэтыя хвіліны ў Летнім амфітэатры спявае "Хор Турэцкага". У беларускім тэатры "Лялька" праходзіць першы спектакль "Лялечнага квартала". Перад гледачамі ў канцэртнай зале "Віцебск" рыхтуюцца выступіць і майстры мастацтваў Казахстана.
