На "Славянскім базары ў Віцебску" адкрыўся "Лялечны квартал"

Гэты фестывальны праект існуе ўсяго шэсць гадоў, але прыхільнікаў у яго не менш, чым у шоу-праграм у Летнім амфітэатры. Першая ў афішы - пастаноўка паводле казкі братоў Грым "Брэменскія музыканты". У рэпертуары віцебскага тэатра "Лялька" гэты спектакль ужо больш за дваццаць гадоў, але па-ранейшаму запатрабаваны гледачом. Аншлаг і сёння.

Віктар Клімчук, мастацкі кіраўнік беларускага тэатра "Лялька": "Калі пачынаецца "Славянскі базар", мы ўзнаўляем спектакль "Брэменскія музыкі", таму што гэта неяк стасуецца. Чакаем многа-многа калектываў: гэта і Пенза, і Санкт-Пецярбург, і Рыбінск. Многа-многа яскравых добрых спектакляў".

Шматлюдна і ў выставачных залах: сёння ў Віцебску адразу некалькі вернісажаў. Валагодскі дзяржаўны гісторыка-архітэктурны музей прэзентаваў выставу "Традыцыйнае мастацтва Валагодчыны". Гэта запаведны край. У вёсках і сёлах там дагэтуль гучаць у святы старажытныя працяглыя песні, жанчыны пад гукі тальянкі танчаць па крузе старажытны танец "Кружка". Паказаныя на выставе экспанаты перадаюць багацце культуры краю.