Магілёўская вобласць, Шклоўскі раён - Александрыя. Тут як і ў многіх кутках Беларусі, ноч была бяссоннай і напоўненай матывамі з глыбокімі нацыянальнымі каранямі. Купалле. Больш сімвалічнага завяршэння гэтага запар урачыстага і святочнага тыдня нават не прыдумаеш. Тут сабралі ўсё: горад майстроў, народныя забавы, канцэрты зорак. Зрэшты, гэта трэба бачыць на свае вочы і заслугоўвае асобнай увагі. Так што да гэтай падзеі мы яшчэ вернемся.
Як раз зараз наш карэспандэнт Ілона Красуцкая збірае лепшыя моманты свята. Іх ніхто не папракне ў плагіяце. За чатыры гады ні разу не дубліравалі антураж. Гэтым разам дамінанта афармлення - купальскія абрады. А замест рамесных падворкаў - Александрыйскі кірмаш.
Сёлета ў Александрыі з'явіўся аднайменны востраў. Сувеніраў. Вырабы народных промыслаў і рамёстваў прапануюць умельцы з усёй Беларусі. Два дні свята з лёгкасцю вырашаюць фінансавае пытанне найбліжэйшых месяцаў. Грашовая ўзнагарода - усяго толькі абмен на тыя вырабы, у якія ўкладзена столькі працы і душы.
Па суседстве - яшчэ два востравы. Марожанага і квасу. Дэгустацыі - падчас тэматычных фестываляў. Толькі ў Александрыі марынаваныя агуркі і бліны - па найстарэйшых беларускіх рэцэптах. Александрыя збірае сяброў - свята адраджэння самабытных традыцый. І нездарма. Сустракаюць Купалле на беразе Дняпра. А ён спрадвеку быў важнай суднаходнай артэрыяй Беларусі. Часткай шляху з вараг у грэкі. Менавіта вёскі Александрыя, Копысь і горад Шклоў былі традыцыйнымі месцамі правядзення кірмашоў і народных гулянняў. Усе ведалі - самыя майстэрскія рэзьбяры па дрэве жывуць у Шклове. Праз стагоддзі зрачыстасць дапаўняе сучасная інтэрпрэтацыя. Але конкурсы і забавы - па-ранейшаму, спрадвечна беларускія.
На купальскім свяце толькі артыстаў дзве тысячы. Хваляцца тут не толькі народныя ўмельцы. Свае дасягненні працаўнікі дэманструюць на сельскагаспадарчай выставе племянной жывёлагадоўлі. Чацвёрты год запар выхадныя ў Александрыі недатыкальныя. Іх плануюць задоўга. Сюды едуць за спрадвечнай самабытнасцю і чараўніцтвам купальскай ночы. Свята, якое па праве набыла статус нацыянальнага брэнда, штогод збірае дзясяткі тысяч гасцей не толькі з Беларусі, але і блізкага замежжа. Свята ў Александрыі - для многіх гэта ўжо сямейная традыцыя. За сотні кіламетраў сюды прыязджаюць дынастыямі. Разам з дзецьмі. Каб адпачыць душой, натхніцца і стаць сведкамі купальскіх цудаў.
Нязменна ўдзел у свяце прымае Прэзідэнт Беларусі. Які год купальскую ноч Аляксандр Лукашэнка сустракае на сваёй малой радзіме. Звяртаючыся да гасцей свята, Аляксандр Лукашэнка падкрэсліў, Купалле - гэта свята кахання і надзей на гэта каханне. Галоўнае ніколі яе не страчваць. І заўсёды дабівацца сваіх вялікіх і маленькіх мэт.
У тым, колькі ж шмат у Александрыі сяброў, пераконваешся падчас гала-канцэрта майстроў мастацтваў Беларусі, Расіі і Украіны. Толькі ў глядзельнай зале - 2,5 тысячы гасцей. На сцэне галоўнае месца - беларускай народнай песні. Затым шоу ад зорак беларускай эстрады. І гасцей фестывалю.
Кульмінацыя ўрачыстасці - салют. Эксклюзіўны. У паркавай зоне - класічныя рымскія свечкі. Пасля - начное неба Александрыі азарае святочны феерверк.
Купальскае вогнішча, спуск вянкоў на ваду і, безумоўна, варожбы на нарачонага. Абрады, без якіх немагчыма выкананне купальскага цуду. І нават, калі папараць-кветка не знойдзена, значыць, шчасце чакае ў наступным годзе. На свяце ў Александрыі.
