На "Лістападзе" працягваюць ацэньваць стужкі нацыянальнага конкурсу

6 Лістапада 2019
Паказы дакументальных і ігравых фільмаў стартавалі напярэдадні. Журы на чале з польскім рэжысёрам Кшыштафам Занусі ўжо паглядзела пяць карцін. Многія конкурсныя стужкі зрэжысіравалі беларускія аўтары, але ёсць і выключэнні. Так, гісторыю пра дзяўчыну, якая трапіла ў чарнобыльскую зону адчужэння, паказаў на рускай мове рэжысёр з Германіі. Сёння ў афішы кінатэатра "Беларусь"  "Апошні дзень гэтага лета", "Чыстае мастацтва" і  "Перазімаваць".

Дарэчы, сам Кшыштаф Занусі не толькі ацэньвае фільмы, але і рыхтуецца паказаць свой "Эфір". Яго новая работа сёння вечарам на экране кінатэатра "Піянер". Дарэчы, у сінема-праекце ён выступіў у трайным амплуа - сцэнарыстам, прадзюсарам і рэжысёрам.