На "Глівіцэ-Арэне" адбыўся фінал XVII Міжнароднага песеннага конкурсу

25 Лістапада 2019
Другі год запар на дзіцячым "Еўрабачанні" перамагае Польшча! Учора на "Глівіцэ-Арэне" адбыўся фінал XVII Міжнароднага песеннага конкурсу. Яго трансляцыю вялі тэлеканалы "Беларусь 1", "Беларусь 24", а таксама сайт медыяхолдынга tvr.by. Па выніках галасавання гледачоў і журы перамогу атрымала Вікі Габар. Беларуская прадстаўніца Лізавета Міснікова на 11-й пазіцыі.

Што засталося на тым баку трансляцыі прэстыжнага шоу - рэпартаж з Глівіцэ нашага ўласнага карэспандэнта Іны Пілевіч.  У дзень фіналу дзіцячага "Еўрабачання" ёй жадалі поспеху асабіста. Напярэдадні праводзіць Лізу Міснікову на Міжнародны песенны конкурс прыехалі фанаты, родныя, блізкія і супрацоўнікі беларускага пасольства ў Польшчы.

Перад эфірам - абмен падарункамі. Усім канкурсантам Ліза прэзентавала сваю прома-прадукцыю. У фірмовым пакеце - плакат, бранзалет, пазл, буклет з флешкай і паштоўкамі.

На сцэну з песняй. Паводле правіл міжнароднага конкурсу, каманда артысткі не можа суправаджаць яе за сцэнай і ў грын-руме. Таму хварэлі ля экрана тэлевізара.

"Попельны" хіт у міжнародным эфіры пад нумарам 7. Падчас выступлення нашу канкурсантку падтрымліваў балет. Данііл, Іван, Ягор і Максім - у кожнага свой вобраз. Разам за тры хвіліны яны распавялі гісторыю пра тое, што калі верыць у свае сілы, мары абавязкова спраўдзяцца. Самы напружаны момант шоу - падлік галасоў. Выстаўленыя раней ацэнкі суддзяў суміравалі з баламі гледачоў. Яны галасавалі анлайн яшчэ з пятніцы.

Другі год запар перамога ў Польшчы. Поспех Раксаны Венгель на шоу ў Мінску паўтарыла Вікі Габар. 12-гадовая выканаўца заваявала публіку кампазіцыяй "Супергерой".

Запісаць інтэрв'ю з пераможніцай дзіцячага "Еўрабачання" - той яшчэ чэлендж. Карэспандэнты, якіх акрэдытавалася больш за 180, імкнуцца максімальна аператыўна займець каментарый трыумфатара.

Наша прадстаўніца на 11-й пазіцыі. Заўтра Ліза адправіцца ў Мінск - дзяліцца ўражаннямі ад насычанага еўравізійнага тыдня.