Канцэрты "Летнія музычныя вечары ў Верхнім горадзе" стартавалі. Першы з іх Белдзяржфілармонія прысвяціла стагоддзю легендарнага кампазітара Ісаака Шварца. Чароўная праграма "Каханне і расстанне" сабрала поўную залу і сарвала авацыі. Слухачы атрымлівалі асалоду ад саўндтрэкаў да ўпадабаных фільмаў "Зорка чароўнага шчасця", "Мелодыі белай ночы", "Белае сонца пустыні", "Станцыйны наглядчык".
Сёлета да калектыву "Музычнай гасцёўні" далучылася народная артыстка Беларусі Ніна Шарубіна. 18 ліпеня ў канцэртнай зале "Верхні горад" можна будзе пачуць "Музыку любімага кіно", а 17 жніўня прагучаць творы Фрэдэрыка Шапэна.
