Аб'яўлены Кіраўніком дзяржавы 2016-ты Годам культуры сёння афіцыйна ўступіў у свой ганаровы статус. Каля гадзіны назад у Маладзечне адбылася ўрачыстая цырымонія, дзе Год моладзі перадаў эстафету добрых спраў і свой сімвал яблык з фота самых яркіх момантаў Году культуры. А сам Маладзечна быў названы культурнай сталіцай 2016-га, а таксама атрымаў сімвалічны ключ ад культурнай сталіцы мінулага года - горада Брэста.
Сёння ж напярэдадні святочнага вечара творчая інтэлігенцыя і ўрад сустрэліся на калегіі Міністэрства культуры. Галіна падвяла вынікі мінулага года і пазначыла планы на будучыню. На пасяджэнні абмеркавалі дасягненні і праблемы ў бібліятэчнай сферы, у кінавытворчасці, у справе захавання гісторыка-культурнай спадчыны. Галоўнымі акцэнтамі мінулага года названы завяршэнне рэалізацыі трох дзяржпраграм, правядзенне мерапрыемстваў, прысвечаных 70-годдзю Вялікай Перамогі, а таксама форумаў "Славянскі базар" і "Лістапад".
Наперадзе канчатковае прыняцце Кодэкса аб культуры, правядзенне мерапрыемстваў, прысвечаных 75-годдзю пачатку Вялікай Айчыннай, 30-годдзю Чарнобыля, а таксама правядзенне 25-га юбілейнага "Славянскага базара". Апраўдаць давер дзяржавы, яшчэ ярчэй адкрыць таленты народа і заклікаць беларусаў да праяўлення культуры ва ўсіх баках свайго жыцця - задачы, якія і ставяць перад сабою працаўнікі культуры.
