Сусветныя прэм'еры на фестывалі Юрыя Башмета

Да афіцыйнага адкрыцця XIV фестывалю Юрыя Башмета застаецца адзін дзень! У праграме - дзевяць канцэртаў. Фактычна на кожным выступяць знакамітыя музыканты і прагучаць прэм'еры. Так, на сцэне Белдзяржфілармоніі сыграе  эстонскі кампазітар Эркі-Свен Цюйр. Яго сімфонія "Міфы" і фантасма для аркестра беларуская публіка пачуе ўпершыню. На гэтым жа канцэрце адбудзецца і сусветная прэм'ера. 

Сярод музычных гасцей  фестывалю - і турэцкі піяніст Фазыл Сай. Яго творы выконваюцца аркестрамі па ўсім свеце. Разам з аркестрам Расціслава Крымера ён выканае аўтарскі "Шаўковы шлях" і Моцарта.