Мінская міжнародная кніжная выстава-кірмаш чацвёрты дзень радуе наведвальнікаў навінкамі

Суботняя афіша зацікавіць усе ўзроставыя катэгорыі. Для маленькіх - дзіцячая літаратура і інтэрактыўныя чытанні. На нацыянальным стэндзе аб'явяць імёны трыумфатараў акцыі "Пішам кнігу разам. Якой мы хочам бачыць нашу Беларусь" і пакажуць міні-спектакль. Увечары свае навінкі прэзентуе ўладальніца прэміі "ТЭФІ" Таццяна Усцінава. А беларускамоўнай версіяй Гары Потэра парадуе кнігаманаў фінальны дзень форуму.