Роўна тыдзень застаецца да самай маштабнай музычнай падзеі лістапада - дзіцячага конкурсу песні "Еўрабачанне 2018". Ужо ў наступную нядзелю рэкордныя 20 удзельнікаў будуць запальваць са сваімі хітамі на сцэне "Мінск-Арэны". У Нацыянальным аэрапорце Мінск наша здымачная група працягвае сустракаць гасцей.
На прамой сувязі са студыяй Вольга Мядзведзь.
Ужо ў Беларусі і Азербайджан. 12-гадовая Фідан Хусейнава выканае песню "I wanna be like you".
Дарэчы, вакалістка з "Залатой кнігі маладых талентаў" сваёй краіны адзначыць у Беларусі дзень нараджэння прама напярэдадні фінальнага шоу. Разаграваць звязкі Фідан пачала прама ў аэрапорце.
Менш чым праз гадзiну далучацца Албанія і Македонія. Прылятаць удзельнікі будуць і сёння, і яшчэ заўтра раніцай. І заўтра адбудзецца першая сустрэча ўсіх выканаўцаў і цырымонія адкрыцця еўравізійнага тыдня. Выставачны комплекс "БелЭкспа" ўжо цалкам гатовы сустракаць гасцей. З аўторка пачнуцца рэпетыцыі, запісы візітовак і агульныя еўравізійныя песні.