Месца і дата развітання з заслужаным артыстам Беларусі Іванам Мацкевічам будуць аб'яўленыя пазней

Заслужаны артыст рэспублікі пайшоў з жыцця ўчора на 71-м годзе. Егер з "Казкі пра зорнага хлопчыка", камендант-пагранічнік з "Дзяржаўнай мяжы", генерал-маёр са "Снайпера". У фільмаграфіі артыста - 135 роляў. Мацкевіч сыграў ва ўсіх стужках легендарнага Міхаіла Пташука. А пачынаў акцёр свой творчы шлях на сцэне Брэсцкага акадэмічнага тэатра драмы, пазней быў запрошаны ў Мінск у Тэатр-студыю кінаакцёра, а апошнія 20 гадоў служыў Горкаўскаму тэатру. Улетку Іван Мацкевіч выканаў адну з галоўных роляў у спектаклі "Падводнікі" аб аварыі рэактара на савецкай падводнай лодцы К-19.