Для лаўрэатаў юбілейнага конкурсу "Маладыя таленты Беларусі" стартавала пара запісаў і канцэртаў. Так, інструменталісты і ўладальнікі акадэмічнага вакалу атрымалі права запісу конкурснай кампазіцыі ў легендарнай студыі Дома радыё (тут запісвалі гімн краіны, аранжыроўку для свайго альбома прапісвала і група Rammstein). Усе аўдыявыступленні - пад суправаджэнне сімфанічнага аркестра Белтэлерадыёкампаніі.
Тэлеканцэрты лаўрэатаў конкурсу "Маладыя таленты Беларусі" пакажуць на "Беларусь 3"
Над запісам альбома гала-канцэрта працавалі тыдзень. Дарэчы, яго пачуюць не толькі на Першым нацыянальным канале Беларускага радыё, але і на "Беларусь 3".
Каманда медыяхолдынга правядзе здымкі канцэртаў ужо ў гэтую суботу ў студыі "600 метраў". На гэтым работа з "маладымі талентамі" не спыніцца. Лаўрэаты конкурсу на працягу года будуць гасцямі радыёэфіраў, а іх конкурсныя песні ўвойдуць у актыўную ратацыю на галоўнай хвалі краіны.













