Мінскі міжнародны кінафестываль "Лістапад" гэтым вечарам завяршыўся. Па традыцыі цырымонія закрыцця падвяла вынікі кінатыдня. Без роляў другога плана, затое з некалькімі спецыяльнымі прызамі. Так званае кіно не для ўсіх у Мінску атрымала ацэнку духоўнага складальніка. Адразу некалькі ўзнагарод "Лістапада" датычыліся рэжысёрскага пасылу. Эмоцыі трыумфатараў буйным планам у Ніны Мажэйкі.
Джазавая імправізацыя замест развітальных акордаў. Цырымонія закрыцця "Лістапада" на кантрасце з адкрыццём прайшла ў больш нефармальнай атмасферы. Пакуль кінематаграфісты з розных краін дзяліліся ўласнымі высновамі наконт намінантаў, за кулісамі нудзіліся ў чаканні ўзнагароды з сімволікай кінафоруму. Вось так выглядае золата "Лістапада" - сілуэт кляновага ліста з чалавечым тварам, камусьці бачыцца месяцам. Невялікая статуэтка насамрэч важкая - крыху больш за кілаграм.
Нягледзячы на камернасць цырымонія выйшла ўрачыстай. Пачалі з меркавання Кіраўніка дзяржавы. Спецыяльны прыз Прэзідэнта "За гуманізм і духоўнасць у кіно" на XXIV Мінскім міжнародным кінафестывалі "Лістапад" уручылі кінарэжысёру-пастаноўшчыку кінафільма "Кентаўр" Актану Арым Кубату. Дарэчы, летась народны артыст Кыргызскай Рэспублікі быў прызнаны адным з лепшых рэжысёраў Азіі. Цяпер уваходзіць у калегію распрацоўшчыкаў мэтавай праграмы "Кінематограф Кыргызстана".
Карціна расійскага рэжысёра Барыса Хлебнікава "Арытмія" прызнаная лепшай адразу ў некалькіх намінацыях. Спецпрыз ад Выканаўчага камітэта СНД, Мінгарвыканкама, а таксама журы. Па ўзнагароды некалькі разоў паднімалася прадзюсар фільма.
Галасы гледачощ вырашылі лёс яшчэ адной карціны. Бадай, самая аб'ектыўная намінацыя - "Прыз глядацкіх сімпатый" дастаўся кааператыўнай карціне "Кандэларыя". Узнагароду за плён калектыўнай творчасці - папулярны ва ўсім свеце спосаб вытворчасці фільмаў - уручыў старшыня кінафестывалю Генадзь Давыдзька.
Фестываль класа А пацвердзіў свой статус. Статуэтку "Лістапада" ў залатым, гэта значыць Гран-пры конкурсе ігравога кіно атрымаў эстонскі рэжысёр Райнер Сарнет. Яго чорна-белая драматургія "Лістапада" пакарыла прафесійнае журы кінематаграфістаў.
Нягледзячы на фінальныя цітры, кіназаслона за "Лістападам" закрыецца толькі заўтра. Беларускіх кінаманаў чакае эксклюзіўны паказ фільма "Забойства святога аленя". З Ніколь Кідман і Колінам Фарэлам у галоўнай ролі.
Нефарматнае кіно ў жанры арт-трылера ў Мінск прыехала прама з Кан. Карціну пакажуць за два месяцы да сусветнай прэм'еры. Стужка ўжо паспела набраць вагу ў вачах кінакрытыкаў - атрымала ўзнагароду за лепшы сцэнарый. Якім будзе вердыкт беларускіх гледачоў, даведаемся заўтра.
