"Лістапад" у "Цэнтральным". Кінатэатр прымае конкурс "Маладосць на маршы"

"Лістапад" у "Цэнтральным". Гэты кінатэатр прымае конкурс асноўнага ігравога кіно і конкурс дэбютантаў  "Маладосць на маршы". У афішы секцыі  разнастайнасць тэм, новых імёнаў і шырокая геаграфія краін-удзельніц. Сёння стваральнікі некаторых стужак асабіста прэзентуюць свае фільмы і маюць зносіны з беларускімі кінаманамі. 

На адной з пляцовак "Лістапада" працуе наша здымачная група. На сувязі са студыяй  Дар'я Тарасава. 

Сёння кінатэатр "Цэнтральны" - гэта стартап-пляцоўка для новай хвалі рэжысёраў. З раніцы тут паказваюць фільмы катэгорыі "Маладосць на маршы". Дарэчы, менавіта ў рамках гэтай секцыі былі адкрыты  імёны, якія зараз вядомыя ўсёй кінасупольнасці. Напрыклад, пракатная гісторыя фільма "Апантанасць" Дэмьена Шазела пачалася менавіта з "Лістапада". Пасля рэжысёр зняў мюзікл галівудскага стандарту "Ла-Ла Ленд". 

Другі конкурсны дзень "Маладосці на маршы" адкрылі фільмам "Івана Грозная". 
Румынскую карціну ўжо ацанілі на кінафоруме ў Лакарне, яна стала лепшай у праграме "Рэжысёры сучаснасці". Абыдземся без спойлераў, але ў фестывальных кулуарах ігравы фільм называюць аўтабіяграфічнай камедыяй. Прэзентаваць стужку ў Мінск прыехаў акцёр  Андрэй Дынеску. 

У гэтыя хвіліны ў кінатэатры "Цэнтральны"  фільм Андрэса Хорвата (Харвата)  "Ліліян". Рэжысёр таксама ў зале. 

І не адзін, а разам з галоўнай гераіняй правакацыйнай стужкі з пазнакай "16+".

 Месца галоўнага арбітра за канадскім рэжысёрам Філіпам Лезажам. На ацэнкі не паскупіцца і міжнароднае журы кінапрэсы FIPRESCI. Убачыць новае аўтарскае кіно можна аж да закрыцця "Лістапада". Варта паспяшацца, бо білеты на некаторыя паказы ўжо распрададзеныя.

Да радасці кінаманаў сёння   фільмы "Лістапада" пакажуць на пяці пляцоўках. Увечары ў "Цэнтральным" убачым карціны асноўнага і дакументальнага конкурсаў. Пракатную гісторыю працягвае "Лістпадзік". Азнаёміцца зможам і з пазаконкурснай секцыяй "Без пяці хвілін "Оскар".