Элементы традыцыйнай культуры і адраджэнне культурнай спадчыны ў сучасных дызайнерскіх рашэннях прэзентаваў выхадзец Токіа, вядомы малады дызайнер Русукэ Нанкі. У якасці прыкладаў мастацтвазнаўца паказаў свае апошнія дызайн-праекты: выставу, прысвечаную японскаму дзеячу культуры Роcандзіну, у Парыжы і мастацкі альбом пра японскія ласункі, выдадзены на трох мовах.
Беларусь і Японія штогод рэалізуюць некалькі культурных праектаў. Праходзяць сустрэчы дзеячаў культуры і мастацтва. Па традыцыі сёлета Беларусь ізноў чакае фестываль "Японская восень", які працягне знаёмства з традыцыямі Краіны ўзыходзячага сонца.
