Купалаўскі тэатр аднаўляе паказы спектакляў афлайн

Купалаўскі тэатр сёння паўторна адкрывае сезон. Нагадаем, апошнія два месяцы трупа пераносіла спектаклі на нявызначаны тэрмін з-за эпідэміялагічнай абстаноўкі. Лепшыя пастаноўкі паказвалі анлайн. Пасля перапынку гледачы змогуць убачыць класіку на свае вочы, афіша паводле традыцыі стартуе з "Паўлінкі". Тэатр прытрымліваецца мер бяспекі, таму заняць месца ў партэры зможа не больш як 100 гледачоў замест 338. Рассаджванне - з дыстанцыяй  2 месцы. Ужо заўтра Купалаўскі запрашае на прыезд "Рэвізора", а ў сераду згуляюць "Шляхціча Завальню".