"Свята" ў Аляксандраўскім скверы. Губернатарскі сад працягвае марафон канцэртаў з удзелам майстроў сцэны. 10 чэрвеня будуць гучаць аўтэнтычныя спевы ў выкананні ансамбля народнай музыкі Белдзяржфілармоніі. Які саўндтрэк суботы прапануе Верхні горад? Ці доўгім будзе "Балетнае лета" ў Вялікім? Запрашаем на "Праменад" з Лідзіяй Заблоцкай.
Grand Jete ў лета здзейсніў Вялікі тэатр. Гэта не навіна - традыцыя. Кароль афішы - дзявяты фестываль "Балетнае лета". Восем паказаў і дзевяць гісторый на пуантах - марафон танцавальных прэм’ер. Для мінскіх эстэтаў расійская рэпертуарная рэвалюцыя.
Дэбют Тэатра оперы і балета з Варонежа. Прывезлі трыа спектакляў. У чацвер, 8 чэрвеня, на авансцэне круціў фуэтэ "Прадавец цацак", а сёння аднаактныя спектаклі з постфіксам new: "Арлекінада" і "Кармэн". Не пра каханне, што пад пераплётамі, а пра псіхалогію МЖ.
У суботу, 10 чэрвеня, эстафету прымаюць прымы і прэм’еры з Башкірыі. Сямейная "Пунсовая кветачка" ў харэаграфіі легендарнага Пятрова, а ў нядзелю на прагляд "Легенда пра каханне". Па складанасці спектакль не ўступае "Спартаку". З беларускага рэпертуару - плаціна, на якую заўсёды sold out. "Лебядзінае возера" разальецца дзякуючы салістам Марыінкі, а пасля партэр залье іспанскае сонца - "Дон Кіхот", і тут таксама ў галоўных партыях госці.
І так да 16 чэрвеня. Кульмінацыя - гала-канцэрт зорак. Па ад салістаў крамлёўскага, пермскага і марыінскага балетаў.
Чайкоўскі загучыць і ля ратушы. Раяль на свежым паветры, гавораць, упершыню ў Мінску. І не з-за кустоў, а на сцэне Верхняга горада. Класіку створыць малады геній Хандогі ў дуэце з аркестрам Белтэлерадыёкампаніі.
Акрамя Першага канцэрта Чайкоўскага і Трэці канцэрт Бетховена. Міма такой калекцыі не пройдзеш, тым больш калі за раялем 22-гадовы прызёр конкурсаў Злучаных Штатаў Амерыкі, Расіі, Казахстана.
І дэбют праграмы - новы бас-квінтэт "Студыё-брас". Вялікі канцэрт пачнецца традыцыйна а 8-й гадзіне вечара.
На дэсерт візуальная "Карусель фантазіі" ў галерэі Шчамялёва. Выстава як вынік 40-гадовай творчасці дзіцячай школы мастацтваў № 3. Як юныя творцы засвоілі асновы арт-граматы? Адказ у рамах і дэкарацыйных творах. Чырвонай ніткай праз восем дзясяткаў работ праходзіць спадчына Беларусі.
А мова гучыць зараз у Маладзечне. Там праходзіць фестываль нацыянальнай песні і паэзіі.
Больш культурных явак і арт-пароляў, як заўсёды, у навінах кожную раніцу на тэлеканале "Беларусь 1".
