Канцэртную студыю наведала Ларыса Гулякевіч.
У Маскве за кулісамі яго называлі самым спакойным "Шчаўкунчыкам". Але з выхадам на сцэну пачынаў раскрываецца увесь яго музычны свет. У выніку "Залаты Шчаўкунчык" сярод юных піяністаў свету і прыз сімпатый гледачоў на адным з самых прэстыжных міжнародных тэлевізійных конкурсаў юных музыкантаў на расійскім тэлеканале "Культура".
Перад запісам канцэрта ў Вялікай зале Дома радыё Белтэлерадыёкампаніі трэба сабрацца, разыграцца, выслухаць парады педагога, з якім разам прывезлі першага "Залатога Шчаўкунчыка" ў Беларусь.
Выконваць фартэпіянныя творы Сяргея Рахманінава - своеасаблівы тэст для прафесійных піяністаў. Юны беларус Уладзіслаў Хандогі пацвердзіў сваё музычнае майстэрства на міжнародным конкурсе "Шчаўкунчык" у Маскве.
Любімы кампазітар 13-гадовага піяніста - безумоўна, Сяргей Рахманінаў. Непаўторны меладызм і змястоўнасць яго прэлюдый, эцюдаў і канцэртаў. Але чытае, адчувае і іграе Улад Хандогі рахманінаўскія творы па-свойму.
Ганарыцца сваім вундэркіндам і альма-матар Уладзіслава - Рэспубліканскі каледж-гімназія пры Беларускай дзяржаўнай акадэміі музыкі, які сёлета адзначае 80-гадовы юбілей.
Фартэпіянны канцэрт Уладзіслава Хандогага адбудзецца 27 студзеня ў радыёэфіры канала "Культура".