Патанцуем разам з аркестрам саксафонаў. Адзіны ў Беларусі калектыў выступіў у канцэртнай зале «Верхні горад». У афішы новай праграмы музыка розных культур і краін свету - ад класікі да джаза. Творы для сімфанічнага аркестра аранжыруюцца і перакладаюцца спецыяльна пад музычныя магчымасці саксафонаў.
У аркестры BELSAXO не больш за 20 саксафаністаў. Сярод іх маладыя музыканты, студэнты Акадэміі музыкі, а таксама выкладчыкі, якія падтрымліваюць наватараў. Калектыў існуе каля двух гадоў. Канцэртную прэм'еру аркестр прысвяціў дню нараджэння беларускага кампазітара Яўгена Глебава.