Напярэдадні ў Мінску прапанавалі зборнік вершаў "Радзімы боль і свята". Выданне аб'яднала творы нацыянальных паэтаў дзвюх краін: родапачынальніка палесцінскай літаратуры Махмуда Дарвіша і беларускага песняра Янкі Купалы. Арабскія вершы ўпершыню загучалі на нашай мове дзякуючы пісьменніку і перакладчыку Мікалаю Мятліцкаму.
Мікалай Мятліцкі, лаўрэат Дзяржпрэміі Рэспублікі Беларусь імя Янкі Купалы і спецпрэміі Прэзідэнта Беларусі дзеячам культуры і мастацтва:
«Мы глядзім на розныя кантыненты нашай зямлі, у тым ліку і на Палесціну, з якой нас родніць і духоўная сувязь, дзе Гроб Гасподні, дзе нашай веры карэнні, і таму гэты край для нас дарагі асабліва. І я думаю, паломніцтва ў Палесціну, якое прайшла наша незабыўная Еўфрасіння Полацкая, гэта таксама вялікі прыклад».
Халед Арыкат, Надзвычайны і Паўнамоцны Пасол Палесціны ў Беларусі:
"Імкнёмся развіваць адносіны ў галіне культуры. Мы адкрываем выставу ў вашым Нацыянальным музеі. Імкнуліся прынесці вырабы з Палесціны і паказаць вам нашу культуру".
Беларусь і Палесціна працягнуць наладжваць творчыя сувязі. Круглы стол, дзе абмяркуюць далейшыя культурныя і адукацыйныя праграмы, пройдзе ўжо ў кастрычніку.
