Сёння фіналісты нацыянальнага адбору на "Еўрабачанне" вызначыліся, у якім парадку выходзіць на сцэну.
У Белтэлерадыёкампаніі адбылася жараб'ёўка. Яе вынікі:
1. Adagio
2. Alekseev
3. Shuma
4. Соф'я Лапіна
5. Napoli
6. Анастасія Малашкевіч
7. Гюнеш
8. «Радыёхваля»
9. Alen Hit
10. Lexy Weaver
11. Кірыл Гуд.
Выніковы гала-канцэрт адкрые Adagio, а завершыць Кірыл Гуд. Усяго ў фінале будуць змагацца 11 прэтэндэнтаў - як сольныя выканаўцы, так і калектывы. Пераможца вызначаць па выніках галасавання гледачоў і журы. Фінал нацыянальнага адбору запланаваны на 16 лютага. У прамым эфіры яго пакажуць тэлеканалы "Беларусь 1" і "Беларусь 24". Нагадаем, пераможца прадставіць нашу краіну на "Еўрабачанні", якое ў маі прымае Лісабон.
Сёння артысты пазнаёміліся з камандай, якая зоймецца трансляцыяй нацыянальнага адбору. Таксама артысты будуць удзельнічаць у здымках візітовак. Іх запіс пачнецца з 29 студзеня.