Адпаведнае пагадненне падпісана ў мастацкай галерэі Міхаіла Савіцкага ў Мінску. Выстава пад назвай "Еўрапейскія баявыя мастацтвы: ад кузні Вулкана да мастацтва Марса" пройдзе з 27 красавіка па 10 верасня. Людзі змогуць азнаёміцца з унікальнай калекцыяй старажытных кніг, шпаг і фехтавальных масак. У мастацкай галерэі выставяць больш за 200 экспанатаў, якія ўпершыню ў гісторыі будуць дэманстравацца ў адным памяшканні.
Кошт калекцыі каля двух мільёнаў еўра. Падчас II Еўрапейскіх гульняў запланаваны паказальныя выступленні па гістарычным фехтаванні. Яны пройдуць у Верхнім горадзе з 22 па 23 чэрвеня.
