Гістарычны музей прапануе праект "Беларусь. Вайна і мір"

20 Верасня 2018

Гістарычны музей Беларусі мяняе традыцыйны фармат і прапануе праект пад назвай "Беларусь. Вайна і мір". Аўтар - вядомы калекцыянер, лаўрэат прэміі "За духоўнае адраджэнне" Уладзімір Ліхадзедаў. Даследчык прадэманстраваў 200 артэфактаў Першай сусветнай. Унікальныя фатаграфіі, макет аэраплана, палявая кухня. Рэчы, якія літаральна дыхаюць гісторыяй, размясцілі не на класічных музейных стэлажах.

Уладзімір Ліхадзедаў, калекцыянер, лаўрэат прэміі Прэзідэнта Беларусі "За духоўнае адраджэнне": "Гэтыя дапаможныя памяшканні - аднагодкі Першай сусветнай вайны. Раней гэта быў будынак Дзяржаўнага банка Расійскай імперыі, але ў час, калі банк быў эвакуіраваны падчас Першай сусветнай вайны, гэтыя будынкі выкарыстоўваліся рускай арміяй у сваіх мэтах . А калі ў 1918 годзе немцы акупіравалі Мінск, то нямецкая армія выкарыстоўвала гэтыя будынкі".

Уладзімір Ліхадзедаў перадаў у фонды музея нямецкія выданні пачатку 20-га стагоддзя. У кнігах апісваюцца падзеі Нарачанскай і Баранавіцкай аперацый.