Да канцэрта застаюцца лічаныя хвіліны. "Аura ўжо заняла канцэртныя пазіцыі ў студыі. Вы дакладна адзначылі: Яна сапраўды легендарная. Тут запісвалі гімн краіны ў пачатку 2000-х, а таксама са сваімі хітамі працавалі і рокеры Рамштайн, і ўладальнік дзвюх статуэтак "Оскар" Эніа Марыконе. Зараз я знаходжуся фактычна ў эпіцэнтры здымачнай пляцоўкі - тут размясцілі "чорны квадрат", адкуль і будуць спяваць артысты. На іх накіруюць аб'ектывы 7 камер. Карцінка будзе, як у кліпах са студый гукапісу! Нашы калегі - рэжысёры і аператары, сама станцыя "Еўфрасіння", якая і перадасць сігнал, - гатовыя ўключыцца ў прамы эфір!
Наперадзе гледачоў і слухачоў чакае дзве гадзіны бесперапынных (і нават без выхаду на рэкламу) лепшых песень групы, якія напісаныя за 15 гадоў. Усё ў жывым гуку і ў фармаце зносін, таму абяцаюць вельмі шчыры, душэўны канцэрт. Акрамя Яўгена Алейніка і Юліі Быкавай тут, у студыі, праспяюць сябры тандэму - гэта народныя і заслужаныя артысты. Аляксандр Саладуха, Анатоль Ярмоленка, Алёна Ланская, Іна Афанасьева.
Падрыхтавалі 5 музычных сэтаў
Гэта песні нацыянальных адбораў на "Еўрабачанне", мелодыі аб малой радзіме з цыкла "Куточак Беларусі", радыйныя хіты - аб іх падрабязна раскажа дуэт.
Мы выйдзем у прамы эфір адразу на трох пляцоўках - гэта "Беларусь 3", сайт Белтэлерадыёкампаніі і Першы нацыянальны канал Беларускага радыё - ужо ў 21:55. Прапануем далучыцца да канцэрта, націснуўшы трэцюю кнопку, і слухаць любімых артыстаў!