На тыдні мы ўспаміналі легендарных артыстаў савецкай эстрады, праўда, на жаль, пры іх адсутнасці. Мільёны людзей з упэўненасцю могуць сказаць, што раслі на іх песнях.
Голас эпохі - Уладзімір Высоцкі 25 студзеня адзначыў бы свой 80-гадовы юбілей. Суперзорка, як сказалі б сёння, праўдаруб і кумір многіх пакаленняў памёр вельмі рана - у 42 гады. Але назаўжды застаўся паэтам, якога найбольш цытуюць.
Звонкае сапрана Савецкага Саюза, эстрадная Папялушка - Людміла Сенчына памерла пасля працяглай хваробы. З народнай артысткай Расіі развітваюцца сёння ў Пецярбургу.
Ну, а роўна год таму ў апошні шлях пад легендарную "Малінаўку" беларусы праводзілі Аляксандра Ціхановіча. Па-сапраўднаму народны артыст, любімец публікі не справіўся з цяжкай хваробай. Самага вядомага з "Верасоў" пахавалі на Усходніх могілках Мінска побач з культавымі беларускімі дзеячамі.
