Галоўныя ўзнагароды "Лістапада" раздалі ў кінатэатры "Масква"

21 кляновы ліст з профілем гледача ў метале знайшоў сваіх уладальнікаў. Напярэдадні закрыўся 26-ы "Лістапад". Цырымонія ў рамках фестывалю прайшла ў кінатэатры "Масква". Спецыяльны прыз Прэзідэнта Беларусі "За захаванне і развіццё традыцый духоўнасці ў кінамастацтве" - у руках польскага рэжысёра Кшыштафа Занусі. Усяго журы прысудзілі ўзнагароды ў трох дзясятках намінацый. Лепшым нацыянальным кіно назвалі карціну "Пляж/Лес/Тамбур". Гледачы выбралі фільм "Цела Божае", а Гран-пры форуму з'язджае ва Украіну. Стужка "Атлантыда" аб гісторыі жыцця без вайны на ўсходзе Украіны ўжо станавілася лаўрэатам Венецыянскага кінафестывалю.

Сёння ўвечары адразу ў трох кінатэатрах Мінска пакажуць пазаконкурсную стужку "Проксіма". Французска-нямецкую гісторыю аб адносінах жанчыны-касманаўта з дачкой адзначылі ў Сан-Себасцьяне і Таронта.