Галерэю пад адкрытым небам на плошчы Якуба Коласа ў Мінску папоўнілі каля двух дзясяткаў работ Зоі Луцэвіч. Прадстаўніца творчай дынастыі, самабытны мастак, які працуе ў розных жанрах і напрамках выяўленчага мастацтва, прэзентавала жывапіс і графіку розных перыядаў сваёй творчасці. Работы алеем, акварэллю і акрылам. Сюжэтныя палотны і калажы знаёмяць гледача з мастацтвам, далёкім ад рэалістычнага.
Выстава "Оўпэн эір" будзе працаваць у Мінску да пачатку восені, потым экспазіцыя Зоі Луцэвіч адправіцца ў Брэст. Зараз мастачка стварае новыя работы - для Палаца мастацтваў. Творы прысвечаныя адвечнай тэме - каханню.
Галерэю пад адкрытым небам на плошчы Якуба Коласа папоўнілі работы Зоі Луцэвіч
16 июля 2019