Фільм-оперу "Альпійская балада" з фондаў БТ пакажуць у Сетцы

Спектакль Вялікага тэатра "Альпійская балада" з фондаў Белтэлерадыёкампаніі сёння пакажуць у Сетцы. Пастаноўку ў жанры фільм-опера творчая група медыяхолдынга здымала на натурнай пляцоўцы яшчэ ў 1987 годзе. Праект паводле аднайменнай аповесці Васіля Быкава пакажуць у супольнасці #ЗОЛОТОЙФОНДБТ ва "УКантакце" і Facebook. На працягу многіх гадоў Белтэлерадыёкампанія здымала і транслявала рэпертуарныя спектаклі Вялікага. У фондах захоўваецца больш за 30 балетаў, найстарэйшы з іх - "Прывал кавалерыі" 81-га года. Колькасць оперных пастановак - больш за чатыры дзясяткі. Сярод іх - "Баль-маскарад", "Багема", "Дзікае паляванне караля Стаха". Заставацца на сувязі з мастацтвам можна з красавіка па чэрвень. Падпісвайцеся на супольнасць #ЗОЛОТОЙФОНДБТ і сачыце за рэтраспектывай спектакляў Вялікага тэатра.