"Еўрабачанне-2021". Апошні дзень прыёму заявак

31 января 2021
Сёння завяршаецца прыём заявак для ўдзелу ў нацадборы на "Еўрабачанне-2021". Белтэлерадыёкампанія традыцыйна выступае  арганізатарам праекта як адзіны прадстаўнік Еўрапейскага Вяшчальнага Саюза ў нашай краіне. Прыём заявак праходзіць на афіцыйным сайце кампаніі tvr.by. Там можна азнаёміцца з палажэннем конкурсу і размясціць неабходныя дакументы, інфармацыю пра сябе і песню.

Упершыню ў гісторыі нацыянальнага адбору трэба даслаць відэазапіс выканання кампазіцыі ў рэжыме жывога гуку

Да ўдзелу запрашаюцца як сольныя выканаўцы, так і калектывы саставам не больш як 6 чалавек. Кандыдатамі могуць стаць артысты ад 16 гадоў. Згодна з умовамі конкурсу, песня павінна быць камерцыйна не рэалізавана і доўжыцца не больш як тры хвіліны. Моўныя абмежаванні адсутнічаюць. Нагадаем, пераможца праекта прадставіць нашу краіну на "Еўрабачанні-2021" у Ратэрдаме.