Гісторыя аб барацьбе беларускіх партызан з нямецка-фашысцкімі захопнікамі стане лейтматывам новай кінастужкі Нацыянальнай кінастудыі "Беларусьфільм" і французскай кінакампаніі. Абедзве студыі восенню мінулага года заключылі мемарандум аб сумесным стварэнні паўнаметражнага гульнявога фільма.
Сёння сербскі рэжысёр Эмір Кустурыца прыехаў у Мінск. У Міністэрстве культуры было падпісана пагадненне аб сумеснай працы над будучай карцінай. Таксама рэжысёр са сваёй пастановачнай камандай наведаў пашывачныя цэхі і здымачныя павільёны кінастудыі "Беларусьфільм". Заўтра група адправіцца ў Смалявічы аглядаць натурныя пляцоўкі для будучага фільма.
Эмір Кустурыца, рэжысёр (Сербія): "Гэта драма. Яна пачынаецца ў Беларусі і скончыцца ў Італіі. У вас адзенне, тэхніка, машыны, танкі - усё, што трэба для гэтай рэканструкцыі Другой сусветнай вайны".
Працоўная назва фільма "Калі не зараз, то калі?", у аснову сцэнарыя пакладзены аднайменны раман італьянскага пісьменніка. У карціне будзе задзейнічана ўся база айчыннай кінастудыі. У кінапраекце будуць задзейнічаны пераважна беларускія акцёры.
